Monday, October 10, 2011

“Vice Ministru Edukasaun Paul Asis: Implementasaun Lian Materan Bele Hamosu Rasismo”




Jornal Nacional Diario
Segunda, 10 Outubru 2011

“VME Paul Asis: Implementasaun Lian Materan Bele Hamosu Rasismo

Vise Ministru Edukasaun, Paulo Asis Belo hatet, Politika implementasaun lingua maternal iha prosesu aprendizazen bele hamosu Poliriku Rasisme.

“Atu hamosu Politika rasisme, bele mos hanoin to’o iha ne’eba, maibe ita tenke hanoin katak, lingua maternal ne’e ita nia patrimonia no ita nia rikeja,” hateten Paulo Asis ba JNDiario, iha Palasio Presidensial Nicolau Lobatu Dili, Sesta Loron (07/10).

Nia esklarese, utilizasaun lian maternal hanesan meiu ida atu ajuda labarik sira kompriende didiak iha prosesu aprendijazen.

“Ita nia lingua iha konstituisaun, ita nia lei dehan katak, lingua ofisial maka lingua Tetum ho Portuguesa liu-liu aplikasaun uza lingua maternal iha eskola sei defisil lahalimar, tanba ita nia lingua maternal sei barak liu,” tenik Paulo Asis.

Ia mos fo exemplo katak,” Iha Baucau hau hanorin iha eskola liu-liu iha sala laran hau koalia makasa’e, maibe iha mos lingus waimua, ne’ebe ita tenki estuda didiak, maibe to’o agora governu seidauk iha hanoin atu implementa lingua maternal ne’e,” nia dehan.

Nia hatutan,” ami nia politika lolos ne’e, tuir ita nia lei, ne’ebe mak iha lei edukasaun ho lei baziku edukasaun ne’ebe hakerek katak, iha lingua ofisial maka hanesan Lingua Portuguesa ho Tetum, maibe atu troka ne’e so troka ita nia dekreitu lei mak bele troka buat balun,” esplika Vise Ministru Edukasaun Paul Asis.